سەنتەری فۆتۆن.

سەنتەرەکەمان چەندین ئامێری پێشکەوتووی تایبەت بە خەمڵاندنی چەندایەتی و چۆنایەتی ماددە جیاوازەکان و پێوانەکردن و زانینی تایبەتمەندییەکانی مادەکانی تێدایە، ئەمە جگە لەوەی تاقیگەی توێژینەوە بۆ هەریەک لە بەشەکانی، کە ماددە کیمیاییە پێویستەکان دابین دەکەن و ئەو نانۆماددە و خاڵە کوانتەمانەی کە پێویستن بۆ توێژەران دروست دەکەن، هەروەها دابینکردنی تاقیگەی توێژینەوەی تایبەت بۆ توێژەرانی بایۆلۆژی وە هۆبەی تایبەت بۆ ئەنجامدانی تاقیکردنەوەکانیان لەسەر ئاژەڵان وۆ هەروەها تاقیگە بۆ فیزیازان و ئەندازیاران و دابینکردنی هەموو پێداویستیەکانی توێژینەوە زانستیەکانیان. هەروەها سەنتەرەکە هاوکاری پراکتیکی پێشکەش بە هەموو توێژەران دەکات، وەک شیکردنەوە و لێکدانەوەی ئەنجامەکانیان، پێشکەشکردنی ئامۆژگاری زانستی پێویست، و وەڵامدانەوەی هەموو پرسیارە زانستییەکان لە هەر پسپۆڕییەکدا لە ڕێگەی تیمێکی یەکگرتووەوە کە کاردەکەن بۆ خزمەتکردنی توێژەر و بەرزکردنەوەی ئاستی زانستی سەنتەرەکەمان.سەنتەرەکەمان سیمیناری زانستی و بیرکردنەوە ئەنجام دەدات و توێژەران ئاشنا دەکات بە هەموو ئامرازەکانی تەکنەلۆجیا و بنەمای کارپێکردنی ئامێرەکان و شێوازە پێویستەکان بۆ ئەنجامدانی تاقیکردنەوەکان، هەروەها خول لەسەر کارکردن لەسەر ئامێرەکان و شێوازەکانی تاقیکردنەوە لە بوارە جیاوازەکاندا ئەنجام دەدات، لەوانە:

ئامانجەکانی سەنتەر: بەرزکردنەوەی ئاستی زانستی توێژەران و ئاگاداربوونیان لە دوایین پێشکەوتن و داهێنانە زانستییەکان، دەستەبەرکردنی ئامێرە پێویستەکان بۆ هەموو پێوانەکان و تەواوکردنی پێوانەکان بە زووترین خێرایی، دروستکردنی سەنتەری توێژینەوە شانبەشانی پەروەردەی ئەکادیمی، کە بەشدارە لە بەهێزکردنی شارەزایی توێژەران و کاراترکردنیان، بەشداریکردن لە دابینکردنی ئەزموونی پێویست بۆ توێژەران و زاناکان و کارکردن لەسەر ئامێرەکان.